ސީރިޔާއާއި ތުރުކީ ވިލާތަށް އެހީ ހޯދުމަށް ނޮޅިވަރަމުގައި ފަންޑު ފޮށްޓެއް
ސީރިޔާއާއި ތުރުކީ ވިލާތުގައި ޙާލުގައި ޖެހިފައިވާ މީހުންނަށް އެހީތެރިކަން ފޯރުކޮށްދިނުމުގެ ގޮތުން ތިލަދުންމަތީ ދެކުނުބުރީ ނޮޅިވަރަމު ކައުންސިލް އިދާރާގައި 2023 ފެބުރުވަރީ 28 ވީ އަންގާރަ ދުވަހު (މިއަދު) ފަންޑު ފޮށްޓެއް ބަހައްޓައިފިއެވެ.
ކައުންސިލް އިދާރާގެ ދޮރުމަތީގައި ފަންޑު ފޮށި ބެހެއްޓިފައިވާއިރު މި ފަންޑު ފޮށްޓަށް ފައިސާ ލުމުގެ ފުރުޞަޠު މިހާރު ޢާއްމުންނަށް ވަނީ ހުޅުވައިލެވިފައެވެ. ކޮންމެ ރަސްމީ ބަންދު ނޫން ދުވަހެއްގެ 08:00އިން 14:00އަށް މި ފޮށި ހުޅުވިފައި ހުންނާނެއެވެ. މި ފަންޑު ފޮށި ބަންދުކުރާނީ 2023 މާރިޗު 06ވާ ހޯމަ ދުވަހުގެ 14:00ގައެވެ.
ސީރިޔާއަށާއި ތުރުކީ ވިލާތަށް ލިބިގެންދިޔަ ގެއްލުމުގައި ޙާލުގައި ޖެހުނު އެންމެންނަށް އަމާންކަމާއި ރައްކާތެރިކަން ލިބުމަށް އެދި ދުޢާކުރަމެވެ.