ނޮޅިވަރަމު ކައުންސިލް 40 ޕްލަސް ވެޓަރަންސް ފުޓްސަލް ޗެލެންޖް 2023 ފަށައިފި
ނޮޅިވަރަމު ކައުންސިލުން އިންތިޒާމްކޮށްގެން ބާއްވާ “ކައުންސިލް 40 ޕްލަސް ވެޓަރަންސް ފުޓްސަލް ޗެލެންޖް” ފަށައިފިއެވެ. 40 އަހަރުން މަތީގެ ފިރިހެން ބޭފުޅުންނަށް ޚާއްޞަ ކޮށްގެން ކުރިއަށް ގެންދާ މި މުބާރާތް ފެށީ އިއްޔެ ހަވީރުއެވެ.
މުބާރާތުގައި ޖުމްލަ 03 ޓީމަކުން ވަނީ ބައިވެރިވެފައެވެ. އެއީ މެޑްރިޑާއި ޗަކުލީގެ އިތުރުން ކްލަބް ހުވާސްއެވެ. ގްރޫޕް ސްޓޭޖުގައި 2 ބުރު ކުޅޭ ގޮތަށް ތާވަލްކޮށްފައިވާ މި މުބާރާތުގެ ފުރަތަމަ މެޗުގައި އިއްޔެ ބައްދަލުކުރީ ޗަކުލީއާއި ކްލަބް ހުވާސްއެވެ. މެޗު ނިމުނީ 4-5ގެ ނަތީޖާއަކުން ކްލަބް ހުވާސް ކުރި ހޯދައިގެންނެވެ. މެޗުގެ މޮޅު ކުޅުންތެރިޔަކަށް ހޮވިފައިވަނީ ކްލަބް ހުވާސްގެ ޖޯޒީ ނަންބަރު 7 އާދަމް މުޙައްމަދެވެ.
މުބާރާތުގެ ދެވަނަ މެޗުގައި މިއަދު ބައްދަލުކުރާނީ މެޑްރިޑާއި ކްލަބް ހުވާސްއެވެ. މެޗު ފެށުމަށް ހަމަޖެހިފައިވަނީ ހަވީރު 16:30ގައެވެ.